ប្រភពព័ត៌មានពីកាសែត វៀតណាម និយាយថា នៅរសៀលថ្ងៃ ទី ១៤ ខែឧសភា , សន្និសីទលើកទី៩ នៃគណៈកម្មាធិការកណ្ដាលបក្ស កុម្មុយនីស្ដវៀតណាម អាណត្ដិទី ឃី បានបញ្ចប់ បន្ទាប់ពីប្រជុំរយៈពេល៧ ថ្ងៃ។
នៅក្នុងសុន្ទរកថាបិទសន្និបាត លោកង្វៀន ភូ ត្រុងអគ្គលេខាបក្ស កុម្មុយនីស្ដវៀតណាម បានថ្លែងថា “... ជាពិសេសស្ថានការណ៍សមុទ្រខាង កើត (ឈ្មោះសមុទ្រចិនខាងត្បូងដែល វៀតណាមហៅ) បច្ចុប្បន្ននេះ, កំពុង ប្រែប្រួលស្មុគស្មាញ ធ្ងន់ធ្ងរខ្លាំងណាស់ ដែលតម្រូវឱ្យគណបក្សទាំងមូល ប្រជាជនទាំងមូលនិងកងទ័ពទាំងមូល ត្រូវភ្ញាក់រលឹកបំផុត ភ្លឺស្វាងបំផុត បង្កើនសាមគ្គីភាព, ទូទាំងប្រទេស បេះដូងតែមួយ, ប្ដេជ្ញាការពារឯករាជ្យ អធិបតេយ្យភាព និង បូរណភាពទឹកដី នៃមាតុភូមិ ក្នុងពេលដំណាលគ្នានោះ ថែរក្សាឱ្យបាននូវបរិស្ថានសន្ដិភាព ស្ថិរភាព ដើម្បីកសាង និងអភិវឌ្ឍ ប្រទេសជាតិ” ៕
*កម្មករម្នាក់ស្លាប់ដោយការ តវ៉ាប្រឆាំងចិននៅរោងចក្រតៃវ៉ាន់នៅ វៀតណាម
កម្មករចិនម្នាក់ ត្រូវបានសម្លាប់ និងយ៉ាងតិច៩០នាក់រងរបួស នៅពេល ពួកអ្នកប្រឆាំងតវ៉ា បានវាយប្រហារ រោងចក្រដែកមួយនៅវៀតណាម ។ យោងតាមសារព័ត៌មានបរទេស ឧបទ្ទវហេតុនេះ បានកើតឡើងនៅ រោងចក្រជារបស់ថៅកែតៃវ៉ាន់ នៅ ខេត្ដហាទីញ ភាគកណ្ដាលវៀតណាម កាលពីថ្ងៃពុធ ទី១៤ឧសភា ។
កាលពីពេលមុននេះ គ្រូពេទ្យ ម្នាក់បាននិយាយថា កម្មករវៀតណាម ៥នាក់ និងមនុស្ស១៦នាក់ទៀតដែល ត្រូវបានគេពណ៌នាថា ជាជនជាតិចិន បានស្លាប់ក្នុងអំឡុងកុបកម្មប្រឆាំងចិន នៅខេត្ដហាទីញ របស់វៀតណាម កណ្ដាល។
វេជ្ជបណ្ឌិតនៅមន្ទីរពេទ្យ Ha Tinh General Hospital បាននិយាយ តាមទូរស័ព្ទនៅថ្ងៃព្រហស្បតិ៍ថា មនុស្ស ប្រមាណ ១០០នាក់ត្រូវបានបញ្ជូនមក កាន់មន្ទីរពេទ្យកាលពីយប់មិញ ។
កាលពីយប់ថ្ងៃអង្គារ កុបករបាន វាយនិងដុតបំផ្លាញរោងចក្រនៅសួន ឧស្សាហកម្ម ២ នៅភាគខាងត្បូងវៀតណាម តែមិនមានរបាយការណ៍អំពី ការស្លាប់ ឬរបួសមនុស្សទេ ។
បាតុកម្មនិងកុបកម្មនេះត្រូវបាន បង្កឡើងដោយការរើអណ្ដូងប្រេង របស់ចិនចូលក្នុងដែនទឹកនៅសមុទ្រចិន ខាងត្បូង ម្ដុំប្រជុំកោះប៉ារ៉ាសែល ដែល ទាំងចិននិងវៀតណាមអះអាងជារបស់ ផងខ្លួន។
អ្នកឆ្លើយឆ្លងព័ត៌មាន បាន និយាយថា អារម្មណ៍ជាតិនិយមឥឡូវ កើនខ្ពស់ណាស់អំពីបញ្ហានេះ ហើយ ពួកអ្នកតវ៉ាប្រឆាំងទំនងជាផ្ដោតលើ ក្រុមហ៊ុននិងរោងចក្រដែលមានអក្សរ ចិន មិនថាវាមកពីណាទេ ដូចជាកោះ តៃវ៉ាន់ជាដើម ។
ស្ថានទូតចិននៅវៀតណាម កាលពីថ្ងៃព្រហស្បតិ៍ ទី១៥ ឧសភា បានអំពាវនាវឱ្យជនជាតិចិនមានការ ប្រុងប្រយ័ត្ន ។
សេចក្ដីថ្លែងការណ៍បង្ហោះក្នុង វេបសាយ របស់ស្ថានទូត បាននិយាយ ថា* យើងជាថ្មីទៀតរំលឹកដល់ជនជាតិ ចិនទាំងអស់ឱ្យមានការប្រុងប្រយ័ត្ន អំពីសុវត្ថិភាព និងចៀសវាងចាកចេញ ពីផ្ទះដោយមិនចាំបាច់* ។
ចិន នៅថ្ងៃព្រហស្បតិ៍នេះដែរ បានចេញការព្រមានដល់អ្នកទេសចរ ចិន ដែលមានផែនការទៅទស្សនា ប្រទេសវៀតណាម នៅពេលប្រព័ន្ធ ផ្សព្វផ្សាយរដ្ឋបានបន្ទោសរដ្ឋាភិបាល ក្រុងហាណូយថា លើកទឹកចិត្ដឱ្យមាន កុបកម្មប្រឆាំងចិនដ៏អាក្រក់បំផុតក្នុង ប៉ុន្មានទសវត្សរ៍មកនេះ។
រដ្ឋបាលទេសចរណ៍ចិន បាន និយាយក្នុងលិខិតណែនាំមួយថា ជន ជាតិចិនណាដែលចង់ទៅវៀតណាម *គួរពិចារណាឱ្យដិតដល់* និងបាន អំពាវនាវឱ្យអ្នកទៅទស្សនា* បង្កើនការ យល់ដឹងអំពីគ្រោះថ្នាក់* ។
ក្នុងពេលជាមួយគ្នា កាសែតរដ្ឋ ចិន អលៀបាល ទិមសេ បាននិយាយក្នុង វិចារណកថារបស់ខ្លួនថា កុបកម្មដែល នាំដល់ការដុតរោងចក្រចំនួន១៥ ជា លទ្ធផលនៃការឃោសនារាប់ឆ្នាំរបស់ ក្រុងហាណូយប្រឆាំងចិន។
គេថា ក្រុមហ៊ុនស្ថាប័នជំនួញ និងកម្មករចិន ត្រូវបានក្លាយជាចំណុច ផ្ទាំងស៊ីបនៃអំពើហិង្សា នៅយ៉ាងតិច ខេត្ដ ក្រុងចំនួន ៧ នៅទូទាំងប្រទេស វៀតណាម ។ ស្ថានទូតបាននិយាយថា ខ្លួនបានស្នើឱ្យអាជ្ញាធរវៀតណាមធានា សុវត្ថិភាពរបស់ពលរដ្ឋចិន ។
ក្នុងពេលជាមួយគ្នា ប៉ូលិស វៀតណាមបានប្រញាប់ប្រញាល់ស្ដារសណ្ដាប់នៅសួនឧស្សាហកម្ម ២ ដែល គ្រប់គ្រងដោយសិង្ហបុរី ក្រោយពីវារង ការវាយប្រហារកាលពីយប់ថ្ងៃអង្គារ ពីសំណាក់ពួកអ្នកតវ៉ាប្រឆាំងចិន ។
ក្រុមហ៊ុនសួនឧស្សាហកម្ម វៀតណាមសិង្ហបុរី បាននិយាយក្នុង សេចក្ដីថ្លែងការណ៍មួយកាលពីថ្ងៃ ម្សិលមិញថា ប៉ូលិសមូលដ្ឋានបានស្ដារ ការត្រួតត្រាសន្ដិសុខឡើងវិញ។រោងចក្រ ៩៩រងការខូចខាត នៅឧទ្យានទាំង ២ នៅខេត្ដប៊ីញ ឌឿង ខាងជើងក្រុង ហូជីមិញ៕
ប្រភព :កោះសន្តិភាព
No comments:
Post a Comment