មន្ដ្រីក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ដំណាំអំពៅកំពុងពង្រីកផ្ទៃដីដាំដុះ យ៉ាងស្ងាត់ស្ងៀមក្រោមរូបភាពវិនិយោគ ក្នុងដីសម្បទានសេដ្ឋកិច្ចរាប់ម៉ឺនហិកតា។
ឆ្នាំ២០១៣តួលេខដំណាំអំពៅ ដែលផ្ដល់ឱ្យក្រសួងកសិកម្ម រុក្ខាប្រមាញ់ និងនេសាទមានចំនួនជិត១៧ម៉ឺនហិកតា ប៉ុណ្ណោះ ។ ប៉ុន្ដែមន្ដ្រីរូបនេះ បាន បញ្ជាក់ថាតួលេខដំណាំអំពៅអាច មានច្រើនជាងនេះ ដោយសារសកម្ម- ភាពវិនិយោគលើដំណាំអំពៅមាន លក្ខណៈគគ្រឹកគគ្រេង ។
លោក ម៉ៅ សុភារ៉េត ប្រធាន នាយកដ្ឋានដំណាំកសិឧស្សាហកម្ម នៃក្រសួងកសិកម្ម រុក្ខាប្រមាញ់ និង នេសាទបានប្រាប់ឱ្យដឹងថា រោងចក្រ ផលិតស្ករសមានទាំងអស់៣ គឺមានខេត្ដ ព្រះវិហារម្ចាស់វិនិយោគកំពុងតែ សាងសង់រោងចក្រនៅឡើយ ។ តែមន្ដ្រី រូបនេះមិនអាចប្រាប់ឱ្យដឹងតួលេខ ដំណាំអំពៅនោះទេ ដោយបង្វែរឱ្យសួរ ទៅតាមខេត្ដនីមួយៗវិញ ។ លោកបន្ដថា តាមពិតដំណាំអំពៅកំពុងរីកដុះដាល យ៉ាងខ្លាំងក្លាដូចជាខេត្ដស្វាយរៀងមាន ៦.០០០ហិកតាដែលកំពុងពេញ អំណោយផលក្នុងកម្រិតស្ដង់ដារផ្ដល់ ជាតិស្ករល្អបំផុត ។ នេះបណ្ដាលមក ពីអាកាសធាតុអំណោយផលផង និងដី អំណោយផលផង ។ ខេត្ដជាច្រើនសុទ្ធ តែដាំអំពៅក្រោមរូបភាពវិនិយោគ លើដីសម្បទានសេដ្ឋកិច្ចដូចជាខេត្ដ កោះកុង,ខេត្ដកំពង់ស្ពឺ ឥឡូវរីករាលដាលដល់ខេត្ដកំពង់ឆ្នាំង, ខេត្ដក្រចេះ ,ខេត្ដព្រះវិហារ និងខេត្ដឧត្ដរមានជ័យ ថែមទៀត ។
លោក សុភារ៉េត បានឱ្យដឹងទៀត ថា ដំណាំអំពៅជាដំណាំកសិឧស្សាហកម្មមួយដាំរយៈពេល១០ខែបានទទួល ផល ។ ដីនៅកម្ពុជាអាចដាំបានផល ៣.០០០តោនអំពៅក្នុងមួយហិកតា ។ បើប្រៀបធៀបរវាងការ ធ្វើស្រែប្រាំង និងដំណាំអំពៅក្នុងដីមួយហិកតាដូចគ្នា គេអាចបានផលពីដំណាំអំពៅ២.៥០០ ដុល្លារក្នុងមួយឆ្នាំក្នុងមួយហិកតា ។ បើធ្វើស្រូវប្រាំងមួយហិកតាវិញបាន ផលតែ៣០០ដុល្លារទេ ។ តែការដាំអំពៅទាមទារចំណាយ ទុនយ៉ាងតិចនៅ គ្រាដំបូង២.០០០ទៅ៣.០០០ដុល្លារ ក្នុងមួយហិកតា៕
No comments:
Post a Comment