នៅឆ្នាំ ២០១៣ តាមការព្យាករណ៍បឋម ដោយយោងតាមទិន្នន័យស្ថិតិផ្លូវការរបស់ស្ថាប័នពាក់ពន្ធ ការតាមដ្ឋានរួមគ្នារបស់ក្រសួងសេដ្ឋកិច្ច និងហិរញ្ញវត្ថុ និងវិទ្យាស្ថានជាតិស្ថិតិនៅខែ មិថុនា ឆ្នាំ ២០១៣ កំណើន ផសស នៅឆ្នាំ ២០១៣ មានចំនួន ៧,៦% តាមថ្លៃស្ថេរ ទន្ទឹមនឹងអត្រាបរិត្តិផរណា (GDP deflator) មានកំរិត ០,៨% ។ ផសស ថ្លៃបច្ចុប្បន្នឆ្នាំ ២០១៣ អាចនឹងមានចំនួន ៦១.៥២៥ ពាន់លានរៀល ឬប្រមាណ ១៥.១៩១ លានដុល្លារ និងក្នុងចំនួនប្រជាជន ១៤,៧ លាននាក់ នៅឆ្នាំ ២០១៣ ផសស សម្រាប់មនុស្សម្នាក់មានចំនួន ១.០៣៦ ដុល្លារអាមេរិក ។
តាមការព្យាករណ៍នេះ សមាសធាតុនៃកំណើនមានដូចជា៖ (១) ផ្នែកកសិកម្មមានកំណើន ៤,២% ក្នុងនោះវិស័យដំណាំមានកំណើន ៤,១% និង វិស័យនេសាទនិងវារីវប្បកម្មមានកំណើន ៧,១% (២) ផ្នែកឧស្សាហកម្មមានកំណើន ៩,៣% ក្នុងនោះវិស័យកម្មន្តសាលមានកំណើន ៧% វិស័យអគ្គិសនី ឧស្ម័ន និងទឹកស្អាតមានកំណើន ៨,៥% និងវិស័យសំណង់មានកំណើន ១៧,២% និង (៣) ផ្នែកសេវាកម្មមានកំណើន ៨,៨% ក្នុងនោះវិស័យពាណិជ្ជកម្មមានកំណើន ៧,៧% វិស័យសណ្ឋាគារនិងភោជនីយដ្ឋានមានកំណើន ១៣,៧% វិស័យហិរញ្ញវត្ថុមានកំណើន ១២,៣% និង វិស័យអចលនទ្រព្យនិងជំនួញមានកំណើន ១០,៩% ។
No comments:
Post a Comment