មុមបៃ ៖ ក្រុមប្រឹក្សាកៅស៊ូជាតិរបស់ឥណ្ឌាបានថ្លែងថា ការនាំចូលកៅស៊ូធម្មជាតិក្នុងប្រទេសឥណ្ឌាកាលពីខែមេសាកន្លងមក បានកើនទ្បើង៨០% ខណៈតម្លៃនៅក្នុងទីផ្សារអន្តរជាតិមានអត្រាទាបជាងមុន ដែលញ៉ាំងឱ្យក្រុមហ៊ុនផលិតកៅស៊ូកង់រថយន្តបង្កើនការទិញ ។
ការបញ្ជូនទំនិញក្នុងខែមេសា បានកើនទ្បើងដល់ទៅ២៦.៤៤៥តោន ពីតួលេខ១៤.៣៩៦តោន នៅក្នុងអំទ្បុងពេលដូចគ្នាកាលពីឆ្នាំមុន ។ ចំណែកផលិតកម្មកៅស៊ូក្នុងខែមេសានោះផងដែរ ធ្លាក់ចុះ៣,៨%ស្មើនឹង៥១.០០០តោន ។ រីឯការប្រើប្រាស់ក្នុងស្រុកធ្លាក់ចុះ៨១.៥០០តោនធៀបនឹងឆ្នាំមុន បរិមាណនៃការប្រើប្រាស់សរុប៨២.៩៨០តោន ។គួរបញ្ជាក់ថា ប្រទេសឥណ្ឌានាំចូលទំនិញប្រើប្រាស់ពីប្រទេសឥណ្ឌូណេស៊ី វៀតណាម ម៉ាទ្បេស៊ី និងថៃជាដើម ៕
No comments:
Post a Comment