បណ្ដាញព័ត៌មានរបស់វៀតណាមផ្សាយថា តម្លៃហាងឆេងមាសនៅលើពិភពលោកកាលពីថ្ងៃចន្ទ បានធ្លាក់ចុះទៅនឹងកម្រិតទាបបំផុត ខណៈដែលតម្លៃហាងឆេងលើទីផ្សាររបស់ប្រទេសវៀតណាមបែរជាឡើងថ្លៃទៅវិញ។តួលេខដែលបានចុះបញ្ជីដោយក្រុមហ៊ុនគ្រឿងអលង្ការសៃហ្គនរបស់រដ្ឋបានបង្ហាញថា តម្លៃមាសលើពិភពលោកបានធ្លាក់ចុះស្មើនឹង១.៥៥៣ដុល្លារអាមេរិក ក្នុងមួយតម្លឹង ខណៈហាងឆេងនៅវៀតណាម១.៦៩៦ដុល្លារក្នុងមួយតម្លឹង នេះបញ្ជាក់ឱ្យឃើញថា តម្លៃទីផ្សារមាសនៅក្នុងប្រទេសខ្ពស់ជាងទីផ្សារពិភពលោក១៤៣ដុល្លារ ឯណោះ ក្នុងមួយតម្លឹង ។
នៅគ្រានោះដែរធនាគារVietcombank និងធនាគារពាណិជ្ជកម្មដទៃទៀតបានរក្សានូវអត្រាប្ដូរប្រាក់២១.១២០ប្រាក់ដុង ក្នុង១ដុល្លារអាមេរិក ដូចគ្នានឹងហាងឆេងកាលពីសប្ដាហ៍មុន ។ អត្រានេះស្របគ្នាជាមួយនឹងភាពខុសប្រក្រតីរបស់ធនាគារSacombank ដែលបានបង្កើនតម្លៃនៃការលក់ប្រាក់ដុល្លាររបស់ខ្លួនស្មើនឹង២១.១៣០ប្រាក់ដុង ៕
No comments:
Post a Comment