រាជធានីភ្នំពេញ ៖ ដើម្បីកាត់បន្ថយការបំពុលបរិស្ថានចេញពីផ្សែងរថយន្ត និងកាកសំណល់អាគុយ ក្រុមហ៊ុនជប៉ុន EishinCo,ltd និងក្រុមហ៊ុនអេ អេកូ កម្ពុជា ខូលិឌី បានប្រកាសផលិតផលថ្មីហៅថាអេកូស្ត្រេយ៍ (ECO-SPRAY) គឺជាផលិតផលធ្វើអំពីធម្មជាតិ ដែលមានគ្រឿងផ្សំខ្លាញ់ ត្រីសមុទ្រ សារាយសមុទ្រ ជ័រឈើ ទឹកចំរោះពីធម្មជាតិ ដែលកាត់បន្ថយចំណាយប្រេងឥន្ធនៈ ដើម្បីកាត់បន្ថយបរិស្ថានដូចជាឧស្ម័នការបូនិក(C02) និង នីត្រាតNO2 ។
ការដាក់បង្ហាញផលិតផលអេកូស្ត្រេយ៍របស់ក្រុមហ៊ុននេះ គឺជាលើកទី១លក់នៅប្រទេសកម្ពុជា ធ្វើឡើងក្នុងសិក្ខាសាលាបង្ហាញផលិតផលនៅថ្ងៃទី១៦ ឧសភា ២០១៤ នៅសណ្ឋាគារអំាងទែកុងទីណង់កាល់ ។ អេកូស្ត្រេយ៍ឆ្លងកាត់ពិសោធន៍អស់រយៈពេលជាង៦ឆ្នាំមកហើយ វាមានសុវត្ថិភាពដល់មនុស្ស សត្វ រុក្ខជាតិ និងផ្តល់ផលល្អសម្រាប់បរិស្ថាន ពីព្រោះអេកូស្ត្រេយ៍ ផលិតចេញពីធម្មជាតិ១០០% ។ សព្វថ្ងៃនេះតម្លៃប្រេងឥន្ធនៈកាន់តែកើនឡើង ឯសុខភាពមនុស្សកាន់តែថយចុះ ដូច្នេះអ្នកបើកបរទំាងអស់ត្រូវតែជ្រើសរើសផលិតផលដែលមានគុណភាព។
អ្នកជំនាញបច្ចេកទេសនិងជាម្ចាស់ក្រុមហ៊ុនបានធ្វើការពន្យល់ និង បង្ហាញភស្តុងតាងជាក់ស្តែងដែលកើតចេញពីផលិតផលអេកូស្ត្រេយ៍ (ECO-SPRAY) ។
ផលិតផលអេកូស្ត្រេយ៍មានលក្ខណៈពិសេសដូចជា៖ជួយដល់បរិស្ថានសន្សំថវិកាពីការប្រើប្រាស់ប្រេងឥន្ធនៈ (សំាង ម៉ាសូត និងហ្គាស) បង្កើនប្រសិទ្ធិ ភាព ម៉ាស៊ីនរថយន្តដំណើរការបានល្អ បង្កើនប្រសិទ្ធិភាពប្រេង បង្កើនកំលំាងម៉ាស៊ីន និងចំហេះ និងកាត់បន្ថយភាពសឹករិករឹល និងធ្វើឲ្យម៉ាស៊ីនរថយន្តធន់បានយូរ។
អ្នកជំនាញរូបនេះបានបន្ថែមថា ផលិតផលថ្មីមួយទៀតហៅថាអេកូ លី (ECO-LEAD)ក៏ជាផលិតផលមួយថ្មីដ៏អស្ចារ្យ ដែលប្តូរជំនឿក្នុងការប្រើប្រាស់ អាគុយថ្មី ។ វាមិនត្រឹមតែពន្យារអាយុអាគុយប៉ុណ្ណោះទេ វាអាចជួយដល់វត្ថុអ្វីៗដែលប្រើប្រាស់ជាមួយអាគុយទៀតផង ។ អេកូលីន បង្កើនអាយុកាលប្រើប្រាស់អាគុយយូរជាងពីទៅ៣ដង នៃអាយុកាលធម្មតា ដែលជាហេតុកាត់បន្ថយនូវកាកសំណល់អាគុយបានលើសពីពាក់កណ្តាល។
អេកូលីនផ្តល់នូវលក្ខណៈពិសេសដូចជា៖បង្កើនអាយុកាលប្រើប្រាស់របស់អាគុយយូរជាងមុនបន្ថែមថាមពលអាគុយបង្កើនប្រសិទ្ធភាពប្រើប្រាស់ប្រេង ការពារបរិស្ថាន ... ៕
ប្រភព : កោះសន្តិភាព
No comments:
Post a Comment